本篇行程:
酒店早餐 >
藍洞浮潛 >
美國村
今天主打行程係藍洞浮潛！藍洞是岩石在海中形成的一個洞，因為獨特的結構令洞內呈現一種獨特的藍色，尤其是洞某處會反射出一種獨特的青光，令人以為水中有其他光源。睇旅遊書話全世界只有數個，一個在意大利，另一個就在沖繩。今日已經約了潛水教練Aoki san十時半係前兼久漁港集合。
前兼久漁港係沖繩中西部，那霸市係南部，距離好似幾遠，所以都係早點起身揸車上高速公路(要付費的)，應該可以係一小時左右到達。
一早起身睇下天氣網有乜update先。
這一刻個心灰左，希望唔好落雨啦！快快食個酒店簡單早餐然後check out出發！因為第一次上highway心情緊張又興奮。
入個mapcode落GPS再揀行highway後起錨。一路揸都尚算順利，而且習慣了那個日文GPS的運作。這裏的高速公路是要先在IC入口處取票，再在出口IC處把票交工作人員分段收費。出發前好多人同旅遊書都話日本人好守法，唔會係路上超速。highway的時速限制係80公里，不過我細膽，諗住頂多七十幾好啦，點知上到去無論大車細車係咁係我右邊過，唔係掛我踩到八十幾都唔夠佢地快，我睇下鏡只係見到一架車同我一樣咁慢係我後面，諗住都好有一個守法既日本人，點知睇佢架車都係OTS租車來的=_=
因為揸快左十點左右就到左目的地。教練當然未到所以我地買杯茶飲睇下風景先。罐茶幾好飲，所以後來再encore。
然後我地一齊坐架船仔去目的地。船上仲有其他日本人，都係去藍洞附近浮潛或者係潛水既。Aoki san開始用英文教我地如何浮潛，不過後來發現我地都玩過，跟住大家開始吹水。原來佢係東京人，以前係台灣公司做野，所以都識少少國語。可能到左中年危機，佢毅然辭職然後一個人跑到沖繩開潛水學校，因為佢自己好鍾意潛水。後來佢仲叫我地教佢廣東話，因為佢好多客都係香港人！於是成程船變左廣東話學習時間。
Aoki san 走左後冇幾耐，我地施施然上車諗住走。點知意外就發生啦...
酒店早餐 >
藍洞浮潛 >
美國村
今天主打行程係藍洞浮潛！藍洞是岩石在海中形成的一個洞，因為獨特的結構令洞內呈現一種獨特的藍色，尤其是洞某處會反射出一種獨特的青光，令人以為水中有其他光源。睇旅遊書話全世界只有數個，一個在意大利，另一個就在沖繩。今日已經約了潛水教練Aoki san十時半係前兼久漁港集合。
前兼久漁港係沖繩中西部，那霸市係南部，距離好似幾遠，所以都係早點起身揸車上高速公路(要付費的)，應該可以係一小時左右到達。
一早起身睇下天氣網有乜update先。
這一刻個心灰左，希望唔好落雨啦！快快食個酒店簡單早餐然後check out出發！因為第一次上highway心情緊張又興奮。
入個mapcode落GPS再揀行highway後起錨。一路揸都尚算順利，而且習慣了那個日文GPS的運作。這裏的高速公路是要先在IC入口處取票，再在出口IC處把票交工作人員分段收費。出發前好多人同旅遊書都話日本人好守法，唔會係路上超速。highway的時速限制係80公里，不過我細膽，諗住頂多七十幾好啦，點知上到去無論大車細車係咁係我右邊過，唔係掛我踩到八十幾都唔夠佢地快，我睇下鏡只係見到一架車同我一樣咁慢係我後面，諗住都好有一個守法既日本人，點知睇佢架車都係OTS租車來的=_=
因為揸快左十點左右就到左目的地。教練當然未到所以我地買杯茶飲睇下風景先。罐茶幾好飲，所以後來再encore。
個碼頭都幾風平浪靜，可惜冇乜太陽，不過唔落雨都偷笑。
附近都幾多烏鴉。
等到十點半終於見到教練Aoki san！真係幾型仔。因為報名時要填埋身高腳長所以佢已經為我地預備合適既潛水衣。閒談間佢話我地好好彩，因為幾乎成個十月佢既班都因為大浪而取消，剩係今日冇乜浪所以可以成行。我就話因為今日係我生日所以有好運。
到左目的地 - 藍洞！我地係附近落水，然後Aoki san用個水泡帶我地進入藍洞。嘩不得了，你估下我見到乜？
係人呀！好多人呀！好多小學生呀！好似係學校旅行！有冇搞錯！小學旅行黎藍洞玩浮潛?!?!我以前小學旅行都係去下動植物公園行幾個圈咋！仲有幾個幾歲既小朋友坐住個水泡型船仔，架船仔下面有個窿比佢地睇魚！好可惜我冇帶相機冇同佢地影相。
幾十個小學生加埋我地係藍洞入面排隊等，等乜呢？原來洞入面有一個地方好靚，好適合影相。我心諗好彩呢度唔係強國，如果唔係你要入去影相？門都沒有！係等既時候Aoki san叫我地由水底望出去洞口，先感受一種奇特的藍，然後終於等到啦！真係好似有一盞青藍色的燈係水底入面射出黎咁。
影完相我地出洞外餵魚，後來因為浪大我地提早結束行程，上船回碼頭。原來Aoki san已經為我地準備了熱水沖身(熱水缸在他的車內)，服務真的很週到！
Aoki san 既潛水網:
點解架車撻極都撻唔著?!?! 哎呀點算！附近又冇人wor！唯有唱"竟花光所有運氣~~"。 等左一陣有個路人經過，死就死啦唯有叫佢幫手睇睇，佢又好好人wor睇左一陣估係架車個電池冇電，跟住打電話比個船長(估唔到佢又有船長個電話！世界真細小。)。不個呀船長食緊飯要一個鐘後先到，冇辦法啦我地唯有餓住等(個到乜都冇，冇餐廳冇商店只係有烏鴉...)。
後來醒起我地有個ipone噃！我地立即打去旅客中心(只可以打出去旅客中心)，再駁去OTS，有個講國語既客服同我地了解情況，然後幫我地叫維修車。
等左半個鐘維修車終於黎啦！架車又幾QQ。
整左一陣, 偉大既Aoki san又黎左啦！原來佢係等第二枱客，佢又好搞笑咁話佢從來未見過係沖繩租車有人壞車，問我地架車係唔係韓國車。我地即時叫佢幫佢手做翻譯問下呀師傅仔乜野事。師傅仔個樣好細個，好似啱啱係大學畢業。
師傅仔話可能係電池問題，佢已經暫時整好，架車都可以撻返著，但係佢唔保證之後會冇事！嘩！咁未好危險！因為呢件事我地已經冇左個半鐘。我地商量後決定打去OTS要求換車，呀師傅仔幫我地解釋完後OTS願意幫我地換。因為我地飯都末食，所以決定去沖繩中部美國邨換車同埋食飯。
去之前Aoki san送左一份生日禮物比我。我叫佢下次黎香港揾我，我帶佢去玩。(之後佢真係黎左，我又真係帶佢去玩！)
又，個船長最後都冇出現。
又又，我份生日禮物後來比人唔小心飲左，這是後話。
沒有留言:
張貼留言