本篇行程:
美國村 >
グルメ回転寿司 >
Nathan's Burger >
名護Super Hotel >
Jusco內餐廳
話說我地由漁港揸車去沖繩美國村，一路都落緊雨，又肚餓，又塞車，只係想快快到美國村食野，同埋諗下點改行程。中途提心吊膽驚架車會突然死火。
好好彩一入到美國村就揾到我地既午餐目的地グルメ回転寿司市場美浜店，只不過而家變左下午茶。我地一停車就有個人輕敲我地車門，我心諗唔通我泊錯地方要比錢？原來係OTS職員！佢地upgrade左架車比我地，仲有英文GPS！不過比我揀我想要返架cube仔，得意又易泊。
係油電混合引擎Honda！個panel型過之前個部好多！不過車身長少少，感覺上難揸少少。
多謝完個OTS員工後我地立即衝入グルメ回転寿司醫下肚。因為已經係下午三點幾所以冇乜人，我地隨便攞左幾碟食兩食覺得唔對路，魚生好似唔係幾新鮮，同埋紫菜有少少淋，可能係因為唔係午飯時間所以選擇唔多同埋唔太新鮮，香港既元氣好似仲好食，可惜可惜。
賣相好但係淋左既炸蝦。
求其食完諗住行下美國村，點知鬼死咁大雨，冇法唯有入去商場避下雨。個室內商場好多手信舖同埋美式食肆商店，仲有幾多美軍家眷係入面行街街。不過其實冇乜野行同好食。
特大漢堡坐位。
個肚都唔係咁滿足，好，決定趁細雨出去揾有名既Nathan's Burger。因為美國村都唔細，加上落雨，所以都行左幾多寃枉路先揾到。落單完後，店主問我們是從那裏來的。
我: 我們是香港來的。
店主: 哦，看得出來。
我: 點解睇得出??
店主: 因為香港人是有一種Pride，這和其他地方的中國人不同。強國人呢，來到看到我的店會很興奮，bilibala指手劃腳(他真的在模仿，好搞笑!); 台灣人呢，也是一樣，bilibala指指指(他又在模仿了); 只有香港人，好cool的交叉雙手，口裏像在說"啊，好似係呢間野啦"。
原來我地比人係咁既印象...
講返個熱狗，真係好食呀！完全補償返之前食壽司個種五體不滿足！個種cheddar cheese加落個熱狗度真係不得了，再加上一點點辣味令人胃口大開。唯一美中不足係好似咸左少少，同埋揸住把遮食野係絕對唔浪漫。
熱狗店附近就係波布蛇箱，佢係一間好有個性既衣物ODM。例如，好一條有個性既苦瓜。
雨愈下愈大，只可以走馬看花咁四周走走，好多商店都冇入去。隨便影下入夜後的景色，連有名既摩天輪都冇影到。
很有美感的一些設計。右手邊係一個展覽館。其實，我地係度避緊雨。
一路揸一路落狗屎你都咪話唔驚，個種大雨係香港可能已經係紅雨。再加上夜漸深都係快快上高速公路去名護。名護市係沖繩北部一個城市，揀個度係因為沖繩好多景點都係北部，例如美麗海水族館。
一上高速立即感受到何謂"果個落雨既晚上，果條濕滑既公路，果個粗心大意既司機..."。唔似香港，條公路係冇路燈架，只係路旁有好多細小圓形反光板，加上滂沱大雨，對我地呢種唔揸開車又冇乜出國既司機真係好危險。一如以往，我只敢揸八十幾，日本人就繼續表演頭文字D，係我右邊呼嘯而過，我只可以睇住前面既車既尾燈估下條路係邊，不過好快佢地會係前面消失，因為我揸得太慢...
經過一段只聽到雨聲呼吸聲同見到無盡黑暗既死亡地獄之旅後，終於到左出口收費亭啦！
再走多幾條冤枉路後，終於到達名護Super Hotel。網友真係冇介紹錯，間房雖小但係好舒服企理，仲有個上格床用來放野，性價比真係好高！
日本人真係好叻包裝，連廁紙都包裝得咁好睇，更奇怪既係竟然有個香港人特登去影廁紙...
出酒店後已經八點幾，又係醫肚既時候。本來計劃去我部祖河食堂食地道沖繩料理，不過由於夜晚太黑揾來揾去都揾唔到。返酒店問下服務員先知道附近好多好食既餐廳已經關門，好慘慘。冇法唯有揸車求其揾個Mall(都唔記得左乜名)，求其揾間未打烊既餐廳食下地道沖繩料理啦。
有摺紙遊戲比你等野食時玩下。
好快就有得食，不過可能係因為係商場餐廳，只可叫做不過不失啦。
沖繩有名的苦瓜炒蛋，苦瓜很爽口，不過都係苦既。蛋既份量比較少。
沖繩soba有些少失望，實在行貨了點。
飯後行下超級市場，買左少少消夜返去食。巨蜂提子幾抵食，四十幾蚊有一盒！
返酒店時發生左一件小插曲。一開車時架車就BiBi聲咁叫，停車既時候就冇聲，我諗係唔係我冇用安全帶？定係未關好門？還是架車漏油呀？？會唔會爆炸架我好驚！佢只係係個panel到打左幾句日文提示，但我又唔識睇。唯有出絕招用部iphone影低佢比呀酒店服務員睇下知唔知乜事啦。後來揸左幾條街我終於知道係乜野一回低能事... (答案在下回揭曉！)
回酒店後，每人攞左一杯酒店免費供應既Blue Seal雪糕，再加上美味既巨蜂提子，好好咁補償今日既辛勞(哎呀寫出黎都唔好意思，去旅行都叫辛勞)。
第三天主打: 美麗海水族館加風光明媚再加好多地道好野食！
上篇︰沖繩自駕遊 - Day 2 (一)
下篇︰沖繩自駕遊 - Day 3 (一)
美國村 >
グルメ回転寿司 >
Nathan's Burger >
名護Super Hotel >
Jusco內餐廳
話說我地由漁港揸車去沖繩美國村，一路都落緊雨，又肚餓，又塞車，只係想快快到美國村食野，同埋諗下點改行程。中途提心吊膽驚架車會突然死火。
好好彩一入到美國村就揾到我地既午餐目的地グルメ回転寿司市場美浜店，只不過而家變左下午茶。我地一停車就有個人輕敲我地車門，我心諗唔通我泊錯地方要比錢？原來係OTS職員！佢地upgrade左架車比我地，仲有英文GPS！不過比我揀我想要返架cube仔，得意又易泊。
係油電混合引擎Honda！個panel型過之前個部好多！不過車身長少少，感覺上難揸少少。
多謝完個OTS員工後我地立即衝入グルメ回転寿司醫下肚。因為已經係下午三點幾所以冇乜人，我地隨便攞左幾碟食兩食覺得唔對路，魚生好似唔係幾新鮮，同埋紫菜有少少淋，可能係因為唔係午飯時間所以選擇唔多同埋唔太新鮮，香港既元氣好似仲好食，可惜可惜。
賣相好但係淋左既炸蝦。
求其食完諗住行下美國村，點知鬼死咁大雨，冇法唯有入去商場避下雨。個室內商場好多手信舖同埋美式食肆商店，仲有幾多美軍家眷係入面行街街。不過其實冇乜野行同好食。
特大漢堡坐位。
個肚都唔係咁滿足，好，決定趁細雨出去揾有名既Nathan's Burger。因為美國村都唔細，加上落雨，所以都行左幾多寃枉路先揾到。落單完後，店主問我們是從那裏來的。
我: 我們是香港來的。
店主: 哦，看得出來。
我: 點解睇得出??
店主: 因為香港人是有一種Pride，這和其他地方的中國人不同。強國人呢，來到看到我的店會很興奮，bilibala指手劃腳(他真的在模仿，好搞笑!); 台灣人呢，也是一樣，bilibala指指指(他又在模仿了); 只有香港人，好cool的交叉雙手，口裏像在說"啊，好似係呢間野啦"。
原來我地比人係咁既印象...
講返個熱狗，真係好食呀！完全補償返之前食壽司個種五體不滿足！個種cheddar cheese加落個熱狗度真係不得了，再加上一點點辣味令人胃口大開。唯一美中不足係好似咸左少少，同埋揸住把遮食野係絕對唔浪漫。
唔覺唔覺已經六點幾，都係時候同個摩天輪講拜拜，開車去呢兩日既酒店: 名護Super Hotel！順便試下架新車嘛~~
一路揸一路落狗屎你都咪話唔驚，個種大雨係香港可能已經係紅雨。再加上夜漸深都係快快上高速公路去名護。名護市係沖繩北部一個城市，揀個度係因為沖繩好多景點都係北部，例如美麗海水族館。
一上高速立即感受到何謂"果個落雨既晚上，果條濕滑既公路，果個粗心大意既司機..."。唔似香港，條公路係冇路燈架，只係路旁有好多細小圓形反光板，加上滂沱大雨，對我地呢種唔揸開車又冇乜出國既司機真係好危險。一如以往，我只敢揸八十幾，日本人就繼續表演頭文字D，係我右邊呼嘯而過，我只可以睇住前面既車既尾燈估下條路係邊，不過好快佢地會係前面消失，因為我揸得太慢...
經過一段只聽到雨聲呼吸聲同見到無盡黑暗既死亡地獄之旅後，終於到左出口收費亭啦！
再走多幾條冤枉路後，終於到達名護Super Hotel。網友真係冇介紹錯，間房雖小但係好舒服企理，仲有個上格床用來放野，性價比真係好高！
出酒店後已經八點幾，又係醫肚既時候。本來計劃去我部祖河食堂食地道沖繩料理，不過由於夜晚太黑揾來揾去都揾唔到。返酒店問下服務員先知道附近好多好食既餐廳已經關門，好慘慘。冇法唯有揸車求其揾個Mall(都唔記得左乜名)，求其揾間未打烊既餐廳食下地道沖繩料理啦。
有摺紙遊戲比你等野食時玩下。
沖繩有名的苦瓜炒蛋，苦瓜很爽口，不過都係苦既。蛋既份量比較少。
返酒店時發生左一件小插曲。一開車時架車就BiBi聲咁叫，停車既時候就冇聲，我諗係唔係我冇用安全帶？定係未關好門？還是架車漏油呀？？會唔會爆炸架我好驚！佢只係係個panel到打左幾句日文提示，但我又唔識睇。唯有出絕招用部iphone影低佢比呀酒店服務員睇下知唔知乜事啦。後來揸左幾條街我終於知道係乜野一回低能事... (答案在下回揭曉！)
回酒店後，每人攞左一杯酒店免費供應既Blue Seal雪糕，再加上美味既巨蜂提子，好好咁補償今日既辛勞(哎呀寫出黎都唔好意思，去旅行都叫辛勞)。
上篇︰沖繩自駕遊 - Day 2 (一)
下篇︰沖繩自駕遊 - Day 3 (一)
沒有留言:
張貼留言