本篇行程:
熱帶果園 >
萬座毛 >
御果子御殿本店 >
元袓海葡萄料理 >
琉球村
今日行程好似好多不過每一個景點都唔使太多時間，都係以輕鬆為主。食完個酒店早餐就check out，離開那令人舒適性價比超高既名護Super Hotel。每日我地都好守規矩咁只係攞一杯Blue Seal雪糕咋，而唯一既遺憾係冇試到佢個溫泉浴場。
由今天起我地會由北玩到南，第一站係沖繩熱帶果園。開車時天氣晴朗，真希望每天都係咁。
一路揸車一路食剩低既巨峰提子，不過十分鐘就到達熱帶果園。一如所料，又係有好多學生，我開始懷疑佢地係唔係走堂出黎玩。
見佢好似冇人查入場券就自己行左入去。首先看到大量巨型食人花，會降下來咬住你個頭。(講笑，其實唔知係什麼品種，總之就係大。你唔係以為佢真係會郁呀嘛。)
四周有很多這類石敢當擺設，都幾生動。
生到上二樓既巨大火龍果。唔，如果係芒果會更好。
途中發生左一段小插曲。話說我掛住吹水冇睇路，行過一個錦鯉魚池時唔小心踼倒一個裝住魚糧既枱，一小包一小包既魚糧全部掉到魚池中=_=... 為左唔影響香港遊客聲譽，好，我決定，揾人幫手。但係點解行左成分鐘都揾唔到工作人員既?! 唔通佢地仲未食完早餐？四周浄係有好多學生。冇法，唯有自己落手，係附近執一條樹枝撩下撩下將所有魚糧攞上枱。好彩池入面既錦鯉魚冇將魚糧連膠袋食落肚，佢地只係好失望咁游開(咁好心救你地，多謝都冇句..)。
之後進入蝴蝶屋。下圖係沖繩既金繭蝴蝶，金色既繭相當突出。不過係大自然中，咁突出既顏色唔係更加吸引捕食者？
成蟲係白色。証明左"小時了了，大未必佳"既道理。
跟住去雀鳥館。有好多唔同品種既雀鳥，大部分都唔驚人。不過可能由細到大都睇過唔少動物園，所以唔覺得好特別。
顏色很自然，我話張相。呢部相機既好處係冇乜味精。
離開前會見到一堆山羊，全部用屁股對住你，一路食食食。原來熱帶地方都有山羊，真係眼界大開。
行完熱帶果園後前往一個好出名既旅遊景點: 萬條毛！唔好意思，係萬座毛！個名好容易令人記錯... 萬座毛係一個看似象鼻既斷崖，詳細介紹請自己睇旅遊書。
用肉眼望落去已經可以見到不同顏色既珊瑚。海水既顏色充滿不同層次，加上晴朗青空，難怪吸引唔少遊人。
冇乜野做緊係影下當地人啦！你影佢，我又影你，真開心。
都有幾個日本遊客揾我地幫佢影相。無意中發現佢地好多相機都係比較舊既型號，而且有些牌子都未聽過，足見香港人係幾咁走在攝影潮流尖端。
係萬座毛另一邊有兩個好有趣既小島，中間有一條粗繩連住。
一間佔地近萬平方呎(估計)既菓子專門店都幾嚇人。不過可惜係我唔太好日式菓子果種甜，就好似食一口沙糖落肚。不過你又不能不佩服佢地既包裝係幾咁可人，我甚至懷疑大部份價錢係去左包裝度。
信我，小男並唔係下圖出現。揸機者係我。
一朝早話咁快就過，又係食飯既時候。今次係去元袓海葡萄料理店。佢個裝潢就有少少趕客，不過特色食物先係主菜。
睇落好似香港既地道飯店，絕對係食野唔係食裝潢。
店內相當平民化，仲有好多酷似八九十年代既啤酒海報。
來到緊係要食海葡萄。海葡萄係沖繩有名既海草類植物，形狀以一串串迷你葡萄，因而得名。
因為早餐食得太飽飽，所以我只係叫左個海葡萄沙律。這個沙律全部係用不同既海草海帶做成，十級新鮮，再加上一點醋，開胃非常。海葡萄好似迷你蟹子咁一咬即破，口味青新又帶點咸咸海水味。
這裏既名料理海葡萄飯。有海葡萄、海膽同山芋蓉。太座話海膽好新鮮，而個飯就好特別。特別呢個字真係可圈可點，同"好得意"，"好有趣"有一共通點，就係無從稽考...
食完就去沖繩中部既琉球村。唔…真係有少少流流地，感覺好似去左大陸一些二線既主題樂園。唔同既地方就係無論地方擺設幾咁一般都好，我係路上都揾唔到垃圾。
同正門相比之下，我比較喜歡這隻石獅子，作為琉球村既起點。
皮製拖鞋！非常吸引，仲可以係上面寫字，不過價錢也很昂貴。
我認為成個村最有趣既，就係呢對孖公仔！究竟放個銀仔係個度有乜野含意？
一群小朋友同家長正在為陶瓷上色，不過如果咁坐成日雙腳都幾累。
呢塊鐡版係唔係好懷舊呢？
村內仲有一個沖繩蛇類展覽館。不過因為賣相比較嚇人所以冇影相。
輕輕鬆鬆又玩完一個地方，我地揸車去海邊吹下海風。畢竟來沖繩唔趁天氣好睇下海，實在太浪費啦。
上篇︰沖繩自駕遊 - Day 3 (二)
下篇︰沖繩自駕遊 - Day 4 (二)
熱帶果園 >
萬座毛 >
御果子御殿本店 >
元袓海葡萄料理 >
琉球村
今日行程好似好多不過每一個景點都唔使太多時間，都係以輕鬆為主。食完個酒店早餐就check out，離開那令人舒適性價比超高既名護Super Hotel。每日我地都好守規矩咁只係攞一杯Blue Seal雪糕咋，而唯一既遺憾係冇試到佢個溫泉浴場。
由今天起我地會由北玩到南，第一站係沖繩熱帶果園。開車時天氣晴朗，真希望每天都係咁。
一路揸車一路食剩低既巨峰提子，不過十分鐘就到達熱帶果園。一如所料，又係有好多學生，我開始懷疑佢地係唔係走堂出黎玩。
見佢好似冇人查入場券就自己行左入去。首先看到大量巨型食人花，會降下來咬住你個頭。(講笑，其實唔知係什麼品種，總之就係大。你唔係以為佢真係會郁呀嘛。)
四周有很多這類石敢當擺設，都幾生動。
生到上二樓既巨大火龍果。唔，如果係芒果會更好。
途中發生左一段小插曲。話說我掛住吹水冇睇路，行過一個錦鯉魚池時唔小心踼倒一個裝住魚糧既枱，一小包一小包既魚糧全部掉到魚池中=_=... 為左唔影響香港遊客聲譽，好，我決定，揾人幫手。但係點解行左成分鐘都揾唔到工作人員既?! 唔通佢地仲未食完早餐？四周浄係有好多學生。冇法，唯有自己落手，係附近執一條樹枝撩下撩下將所有魚糧攞上枱。好彩池入面既錦鯉魚冇將魚糧連膠袋食落肚，佢地只係好失望咁游開(咁好心救你地，多謝都冇句..)。
之後進入蝴蝶屋。下圖係沖繩既金繭蝴蝶，金色既繭相當突出。不過係大自然中，咁突出既顏色唔係更加吸引捕食者？
成蟲係白色。証明左"小時了了，大未必佳"既道理。
跟住去雀鳥館。有好多唔同品種既雀鳥，大部分都唔驚人。不過可能由細到大都睇過唔少動物園，所以唔覺得好特別。
顏色很自然，我話張相。呢部相機既好處係冇乜味精。
離開前會見到一堆山羊，全部用屁股對住你，一路食食食。原來熱帶地方都有山羊，真係眼界大開。
行完熱帶果園後前往一個好出名既旅遊景點: 萬條毛！唔好意思，係萬座毛！個名好容易令人記錯... 萬座毛係一個看似象鼻既斷崖，詳細介紹請自己睇旅遊書。
用肉眼望落去已經可以見到不同顏色既珊瑚。海水既顏色充滿不同層次，加上晴朗青空，難怪吸引唔少遊人。
冇乜野做緊係影下當地人啦！你影佢，我又影你，真開心。
都有幾個日本遊客揾我地幫佢影相。無意中發現佢地好多相機都係比較舊既型號，而且有些牌子都未聽過，足見香港人係幾咁走在攝影潮流尖端。
係萬座毛另一邊有兩個好有趣既小島，中間有一條粗繩連住。
由於太熱既關係，都係去附近市集食下雪糕。
附近店主問我地係唔係韓國人，哈哈，乜我咁有型？當佢地知道我地來自香港後，就用英文話"Beautiful night view"！就好似其他港人一樣，我地比較難記得自己城市既美麗。反而外地人就好欣賞我地既夜景。
好，出發去御果子御殿本店。地點係萬座毛附近，不過位置都幾唔方便，冇車好難去。不過唔去都冇損失，因為國際通都有御果子御殿分店，只不過係冇咁大而已。
一間佔地近萬平方呎(估計)既菓子專門店都幾嚇人。不過可惜係我唔太好日式菓子果種甜，就好似食一口沙糖落肚。不過你又不能不佩服佢地既包裝係幾咁可人，我甚至懷疑大部份價錢係去左包裝度。
信我，小男並唔係下圖出現。揸機者係我。
一朝早話咁快就過，又係食飯既時候。今次係去元袓海葡萄料理店。佢個裝潢就有少少趕客，不過特色食物先係主菜。
睇落好似香港既地道飯店，絕對係食野唔係食裝潢。
店內相當平民化，仲有好多酷似八九十年代既啤酒海報。
來到緊係要食海葡萄。海葡萄係沖繩有名既海草類植物，形狀以一串串迷你葡萄，因而得名。
因為早餐食得太飽飽，所以我只係叫左個海葡萄沙律。這個沙律全部係用不同既海草海帶做成，十級新鮮，再加上一點醋，開胃非常。海葡萄好似迷你蟹子咁一咬即破，口味青新又帶點咸咸海水味。
這裏既名料理海葡萄飯。有海葡萄、海膽同山芋蓉。太座話海膽好新鮮，而個飯就好特別。特別呢個字真係可圈可點，同"好得意"，"好有趣"有一共通點，就係無從稽考...
食完就去沖繩中部既琉球村。唔…真係有少少流流地，感覺好似去左大陸一些二線既主題樂園。唔同既地方就係無論地方擺設幾咁一般都好，我係路上都揾唔到垃圾。
同正門相比之下，我比較喜歡這隻石獅子，作為琉球村既起點。
皮製拖鞋！非常吸引，仲可以係上面寫字，不過價錢也很昂貴。
我認為成個村最有趣既，就係呢對孖公仔！究竟放個銀仔係個度有乜野含意？
一群小朋友同家長正在為陶瓷上色，不過如果咁坐成日雙腳都幾累。
呢塊鐡版係唔係好懷舊呢？
村內仲有一個沖繩蛇類展覽館。不過因為賣相比較嚇人所以冇影相。
輕輕鬆鬆又玩完一個地方，我地揸車去海邊吹下海風。畢竟來沖繩唔趁天氣好睇下海，實在太浪費啦。
上篇︰沖繩自駕遊 - Day 3 (二)
下篇︰沖繩自駕遊 - Day 4 (二)
沒有留言:
張貼留言