本篇行程:
岸本食堂 >
海中展望塔 >
許田道の駅 >
古宇利大橋 >
うらの茶屋 >
今歸仁城跡 >
我那霸燒肉店
走出岸本食堂，食飽飽緊係要走走，於是我地係附近閒逛。沖繩比我既感覺似係日本，泰國同中國既混合。佢地有日本人既軟件 - 整潔，有禮，一絲不苟; 那些陽光與海灘又似係屬於泰國布吉同蘇梅; 而那獨特的沖繩料理和傳統日本菜色有點不同，反而很有中國菜的影子，可能是她比較受中國文化影響較深吧。
如果不是那整潔的街道同埋生滋堂，我會以為自己身在布吉。
就算不是遊客區，很多地方也有這些有趣的坐椅給遊人影相。例如這一條半起肉的吞拿魚。
再行下，我又以為去左南丫島。做人做魚都要講下條命生成點，好彩既就係水族館度歎下世界，日日無所事飯來張口糞來也張口; 唔好彩既就比人剝皮拆肉仲要遊街示眾。唔知店主係唔係叫呀武？
拋開那食飽飯無事做既感慨，快快去下一個目的地: 海中展望塔。其實好多景點包括海中展望塔，萬座毛，御菓子御殿本店都係西部公路 - 國道58號北面，所以比較好既安排係一日內從西部公路南走到北，停停走走咁睇晒所有地方。不過因為我地擔心明天玩不完所有地方，所以趁有時間先去比較近北方既海中展望塔吧！
去展望塔先要進入一個高級渡假村，入去時要先經過一個保安亭，保安員問我地去邊，只要出示一下展望塔既宣傳單張就可以進去。
泊好車，買好門票後，我地等坐渡假村既接駁車到展望塔。等既時候不如去渡假村既沙灘行下。沙灘既沙比較粗，不太好走，而且泳客也不多。
但驚人的是，這裏的消費還真厲害！租一架單車每兩小時要一百港元！咁我不如帶我架單車黎租比人，賺下旅費都好。其他水上活動用品租借費也很"誘人"，例如租用獨木舟等一天要數百港元，所以都係影下相就算。
不到數分鐘就到達目的地。海中展望塔外型好似一座燈塔，其中有五米在水底中，遊客可以係水底中直接觀賞海中的生物。進入塔之前先要經過一條小橋，在橋上往下望，已經可以看到好多好多海魚四圍遊來遊去。
進入塔之後沿樓梯往下走，就到達展覽層。四週都係圓形既窗，好似去左潛水艇內。往出面看真係有好多魚。不過由於剛剛從美麗海水族館參觀完，珠玉在前實在有點比下去。所以重點都係睇近在咫尺既小丑魚同埋珊瑚吧。
雖然係人工，但係都值得一看。
不過我覺最好睇都係呢個看似狗頭鍘既窗仔！請問，個鍘既開關係邊？我只要按一下就可以啦...
不用十幾分鐘就睇完，回程不如行行那條車道吧，順道可以睇下風景。大海美麗依舊，但我覺得左上成的烏雲不是一個好兆頭。右邊就是剛才的海中展望塔。
一路上又遇上學校旅行(又係學校旅行！呢度既教師同學生都幾開心...)。路邊有很多抺桑花(大紅花)在盛開。
上車後駛往許田道の駅。道の駅就好似高速公路中的休息站，比駕車人仕小休，食下野，去下洗手間既地方。許田道の駅係其中一個比較大型既休息站。不過左睇右睇，都係似一個街市仔+迷你超市。我見到有抺桑花雪糕，立即買黎試下，不過好酸，深感中伏。
國道58號係一條非常吸引駕駛者既道路。除左因為甚少塞車外，還因為有一大段路係沿海而行。就算間中有點小雨，也無損她的吸引力。天藍，海青，太陽暖，路踠蜒，聽著音樂，不知人間幾何。
我地下車係大橋起點附近一個沙灘走走。沙灘出面有一個小島，在黃昏陽光下令人感到非常舒適。
要找うらの茶屋真係花左不少時間，因為個GPS今次唔準，送左我地去一個農田度=_=。茶屋係古宇利島上一間小餐廳，有著前舖後居既設計。它特別之處係從這裏可以俯瞰全條古宇利大橋。我地係唯一一組客人，店主有點漫不經心咁招呼我地，我地都好漫不經心咁四周揾一個可以睇到全橋風景既好位。
果汁好好味。
老人與海。
日落餘暉。咦，原來咁晚，要快快去下一個景點。
都係快快離開因為入夜後有好多蚊，走慢少少都被叮左幾處。
今晚晚餐係沖繩烤肉！想當然係馬不停蹄咁直落北部有名既我那霸燒肉店。
一看左上方的招牌，是否寫着"燒肉乃我肚腩"？還是太餓產生了幻覺？
餓到手震。
仲有三隻小豬。呵呵，今次一定要食豬肉。
價錢非常合理。主打係牛同豬。服務員姐姐用英文好有耐心咁同我地介紹這裏有特色既肉類，原來除左牛豬外，服務員姐姐話最好食係雞，真係估唔到。豬就一定要試，因為沖繩Agu豬相當出名。今次仲用左旅遊小册子內的優惠劵換左一碟豬肉，完全免費。
食烤肉時蔬菜一定少不了，而且日本既什菜味道都很不錯。
原來係豬油！用來搽塊燒烤鐡版，燒烤時冇咁易燶。
肉類到齊了。好多雪花，一定肥死。右上方係牛橫隔膜肉，左邊係Agu豬肉片，全部都肥而不膩，食完差點行唔郁。
備有不同口味既醬料。左邊的黑椒蒜蓉醬大力推介。
埋單都只係四百多港紙，平到發笑。滿載而歸返酒店休息，明天的行程也很緊密。冇法，香港人嘛。
上篇︰沖繩自駕遊 - Day 3 (一)
下篇︰沖繩自駕遊 - Day 4 (一)
岸本食堂 >
海中展望塔 >
許田道の駅 >
古宇利大橋 >
うらの茶屋 >
今歸仁城跡 >
我那霸燒肉店
走出岸本食堂，食飽飽緊係要走走，於是我地係附近閒逛。沖繩比我既感覺似係日本，泰國同中國既混合。佢地有日本人既軟件 - 整潔，有禮，一絲不苟; 那些陽光與海灘又似係屬於泰國布吉同蘇梅; 而那獨特的沖繩料理和傳統日本菜色有點不同，反而很有中國菜的影子，可能是她比較受中國文化影響較深吧。
如果不是那整潔的街道同埋生滋堂，我會以為自己身在布吉。
就算不是遊客區，很多地方也有這些有趣的坐椅給遊人影相。例如這一條半起肉的吞拿魚。
再行下，我又以為去左南丫島。做人做魚都要講下條命生成點，好彩既就係水族館度歎下世界，日日無所事飯來張口糞來也張口; 唔好彩既就比人剝皮拆肉仲要遊街示眾。唔知店主係唔係叫呀武？
拋開那食飽飯無事做既感慨，快快去下一個目的地: 海中展望塔。其實好多景點包括海中展望塔，萬座毛，御菓子御殿本店都係西部公路 - 國道58號北面，所以比較好既安排係一日內從西部公路南走到北，停停走走咁睇晒所有地方。不過因為我地擔心明天玩不完所有地方，所以趁有時間先去比較近北方既海中展望塔吧！
去展望塔先要進入一個高級渡假村，入去時要先經過一個保安亭，保安員問我地去邊，只要出示一下展望塔既宣傳單張就可以進去。
泊好車，買好門票後，我地等坐渡假村既接駁車到展望塔。等既時候不如去渡假村既沙灘行下。沙灘既沙比較粗，不太好走，而且泳客也不多。
但驚人的是，這裏的消費還真厲害！租一架單車每兩小時要一百港元！咁我不如帶我架單車黎租比人，賺下旅費都好。其他水上活動用品租借費也很"誘人"，例如租用獨木舟等一天要數百港元，所以都係影下相就算。
等了不久就有渡假村既接駁車載我地到展望塔。車內座位全是木造，車道左右綠意盎然。
不到數分鐘就到達目的地。海中展望塔外型好似一座燈塔，其中有五米在水底中，遊客可以係水底中直接觀賞海中的生物。進入塔之前先要經過一條小橋，在橋上往下望，已經可以看到好多好多海魚四圍遊來遊去。
進入塔之後沿樓梯往下走，就到達展覽層。四週都係圓形既窗，好似去左潛水艇內。往出面看真係有好多魚。不過由於剛剛從美麗海水族館參觀完，珠玉在前實在有點比下去。所以重點都係睇近在咫尺既小丑魚同埋珊瑚吧。
雖然係人工，但係都值得一看。
不用十幾分鐘就睇完，回程不如行行那條車道吧，順道可以睇下風景。大海美麗依舊，但我覺得左上成的烏雲不是一個好兆頭。右邊就是剛才的海中展望塔。
一路上又遇上學校旅行(又係學校旅行！呢度既教師同學生都幾開心...)。路邊有很多抺桑花(大紅花)在盛開。
上車後駛往許田道の駅。道の駅就好似高速公路中的休息站，比駕車人仕小休，食下野，去下洗手間既地方。許田道の駅係其中一個比較大型既休息站。不過左睇右睇，都係似一個街市仔+迷你超市。我見到有抺桑花雪糕，立即買黎試下，不過好酸，深感中伏。
國道58號係一條非常吸引駕駛者既道路。除左因為甚少塞車外，還因為有一大段路係沿海而行。就算間中有點小雨，也無損她的吸引力。天藍，海青，太陽暖，路踠蜒，聽著音樂，不知人間幾何。
不知不覺就到了古宇利大橋。古宇利大橋係沖繩最長既橋，連接古宇利島同沖繩本島。
論宏偉，論設計，古宇利大橋一定比不上香港青馬大橋。論景致、舒適，她一定不會差。這是環境使然，也是心境使然。
要找うらの茶屋真係花左不少時間，因為個GPS今次唔準，送左我地去一個農田度=_=。茶屋係古宇利島上一間小餐廳，有著前舖後居既設計。它特別之處係從這裏可以俯瞰全條古宇利大橋。我地係唯一一組客人，店主有點漫不經心咁招呼我地，我地都好漫不經心咁四周揾一個可以睇到全橋風景既好位。
日落餘暉。咦，原來咁晚，要快快去下一個景點。
出發既時候又發生一件低能事件。話說要開車既時候點解個駄盤轉唔到既?!?!用盡力都只係轉到少少。明明架車已經開著左，個顯示版都有燈，但係都係轉唔到個駄盤...
原來架車個引擎仲未發動，個駄盤自動上鎖...
快快揸去今歸仁城跡不過沿路塞車，咁唔好彩係鄉下地方都塞車。去到今歸仁城跡不過已經關門。唉點都好同枝旗仔影下相，叫做到此一遊啦。
都係快快離開因為入夜後有好多蚊，走慢少少都被叮左幾處。
今晚晚餐係沖繩烤肉！想當然係馬不停蹄咁直落北部有名既我那霸燒肉店。
一看左上方的招牌，是否寫着"燒肉乃我肚腩"？還是太餓產生了幻覺？
餓到手震。
仲有三隻小豬。呵呵，今次一定要食豬肉。
價錢非常合理。主打係牛同豬。服務員姐姐用英文好有耐心咁同我地介紹這裏有特色既肉類，原來除左牛豬外，服務員姐姐話最好食係雞，真係估唔到。豬就一定要試，因為沖繩Agu豬相當出名。今次仲用左旅遊小册子內的優惠劵換左一碟豬肉，完全免費。
食烤肉時蔬菜一定少不了，而且日本既什菜味道都很不錯。
每枱都有一塊咁既物體。大家估下係乜？雪糕？前菜？
原來係豬油！用來搽塊燒烤鐡版，燒烤時冇咁易燶。
肉類到齊了。好多雪花，一定肥死。右上方係牛橫隔膜肉，左邊係Agu豬肉片，全部都肥而不膩，食完差點行唔郁。
備有不同口味既醬料。左邊的黑椒蒜蓉醬大力推介。
埋單都只係四百多港紙，平到發笑。滿載而歸返酒店休息，明天的行程也很緊密。冇法，香港人嘛。
上篇︰沖繩自駕遊 - Day 3 (一)
下篇︰沖繩自駕遊 - Day 4 (一)
沒有留言:
張貼留言