環球金融，地方車仔

今日係中環散步時，忽然發現一架銀行專用車停泊係中環街市附近。

架車仔幾得意，究竟係銀行宣傳車？定係解款車？又或者係…員工專用轉駁車？但係點解個外型咁面善？後面仲有一大班中環人好有禮貌好整齊咁排隊？

睇耐少少，原來係富貴雪糕車！個贊助費真係抵，因為街上好多人都會留意架咁面善既雪糕車，就算冇播放耳熟能詳既洗腦式音樂(其實，真係好吵耳同難聽)我地都認得出。

令一奇景係不少人(女士居多)都躲在唯一的陰影下排隊，隊頭的一個箭步沖到車側買雪糕，隊尾的就要忍受在酷熱天氣下中環街市公厠的惡臭，以對比最後食到富貴軟雪糕的快樂，值得值得。

話時話，好耐都冇見以前佢個口號︰環球金融，地方智慧。原來獅子行已經悄悄改口號，可能因為環球唔係好掂，地方又冇乜面吧。