沖繩自駕遊 - Day 3 (二)

本篇行程:
岸本食堂 >
海中展望塔 >
許田道の駅 >
古宇利大橋 >
うらの茶屋 >
今歸仁城跡 >
我那霸燒肉店

走出岸本食堂，食飽飽緊係要走走，於是我地係附近閒逛。沖繩比我既感覺似係日本，泰國同中國既混合。佢地有日本人既軟件 - 整潔，有禮，一絲不苟; 那些陽光與海灘又似係屬於泰國布吉同蘇梅; 而那獨特的沖繩料理和傳統日本菜色有點不同，反而很有中國菜的影子，可能是她比較受中國文化影響較深吧。

如果不是那整潔的街道同埋生滋堂，我會以為自己身在布吉。

就算不是遊客區，很多地方也有這些有趣的坐椅給遊人影相。例如這一條半起肉的吞拿魚。

再行下，我又以為去左南丫島。做人做魚都要講下條命生成點，好彩既就係水族館度歎下世界，日日無所事飯來張口糞來也張口; 唔好彩既就比人剝皮拆肉仲要遊街示眾。唔知店主係唔係叫呀武？

拋開那食飽飯無事做既感慨，快快去下一個目的地: 海中展望塔。其實好多景點包括海中展望塔，萬座毛，御菓子御殿本店都係西部公路 - 國道58號北面，所以比較好既安排係一日內從西部公路南走到北，停停走走咁睇晒所有地方。不過因為我地擔心明天玩不完所有地方，所以趁有時間先去比較近北方既海中展望塔吧！

沖繩自駕遊 - Day 3 (一)

本篇行程:
酒店早餐 >
美麗海水族館 >
手打ちそば きしもと食堂(岸本食堂)

今天早上行程好簡單，就係到訪不論外地或本地遊客都好喜歡既沖繩美麗海水族館！一早七點幾起身，由房間望出去的名護市，交通已經開始繁忙。

天氣都不錯。出發前先醫醫肚。

早餐比上一間酒店多些選擇，而且早餐時段所有飲品販賣機都係免費既，包括果汁咖啡朱古力。

酒店附近有唔少野貓。

好，出發！一路上都冇塞車，好舒服咁揸左半個鐘就到達水族館。

魚形路標教你點去。

水族館內有好多泊位，唔使爭。其實水族館區內有好多其他類型既展覽館同公園，不過因為時間關係只好專注遊水族館吧。

沖繩自駕遊 - Day 2 (二)

本篇行程:
美國村 >
グルメ回転寿司 >
Nathan's Burger >
名護Super Hotel >
Jusco內餐廳

話說我地由漁港揸車去沖繩美國村，一路都落緊雨，又肚餓，又塞車，只係想快快到美國村食野，同埋諗下點改行程。中途提心吊膽驚架車會突然死火。

好好彩一入到美國村就揾到我地既午餐目的地グルメ回転寿司市場美浜店，只不過而家變左下午茶。我地一停車就有個人輕敲我地車門，我心諗唔通我泊錯地方要比錢？原來係OTS職員！佢地upgrade左架車比我地，仲有英文GPS！不過比我揀我想要返架cube仔，得意又易泊。

係油電混合引擎Honda！個panel型過之前個部好多！不過車身長少少，感覺上難揸少少。

多謝完個OTS員工後我地立即衝入グルメ回転寿司醫下肚。因為已經係下午三點幾所以冇乜人，我地隨便攞左幾碟食兩食覺得唔對路，魚生好似唔係幾新鮮，同埋紫菜有少少淋，可能係因為唔係午飯時間所以選擇唔多同埋唔太新鮮，香港既元氣好似仲好食，可惜可惜。

賣相好但係淋左既炸蝦。

求其食完諗住行下美國村，點知鬼死咁大雨，冇法唯有入去商場避下雨。個室內商場好多手信舖同埋美式食肆商店，仲有幾多美軍家眷係入面行街街。不過其實冇乜野行同好食。

特大漢堡坐位。

個肚都唔係咁滿足，好，決定趁細雨出去揾有名既Nathan's Burger。因為美國村都唔細，加上落雨，所以都行左幾多寃枉路先揾到。落單完後，店主問我們是從那裏來的。

沖繩自駕遊 - Day 2 (一)

本篇行程:
酒店早餐 >
藍洞浮潛 >
美國村


今天主打行程係藍洞浮潛！藍洞是岩石在海中形成的一個洞，因為獨特的結構令洞內呈現一種獨特的藍色，尤其是洞某處會反射出一種獨特的青光，令人以為水中有其他光源。睇旅遊書話全世界只有數個，一個在意大利，另一個就在沖繩。今日已經約了潛水教練Aoki san十時半係前兼久漁港集合。

前兼久漁港係沖繩中西部，那霸市係南部，距離好似幾遠，所以都係早點起身揸車上高速公路(要付費的)，應該可以係一小時左右到達。

一早起身睇下天氣網有乜update先。

這一刻個心灰左，希望唔好落雨啦！快快食個酒店簡單早餐然後check out出發！因為第一次上highway心情緊張又興奮。

入個mapcode落GPS再揀行highway後起錨。一路揸都尚算順利，而且習慣了那個日文GPS的運作。這裏的高速公路是要先在IC入口處取票，再在出口IC處把票交工作人員分段收費。出發前好多人同旅遊書都話日本人好守法，唔會係路上超速。highway的時速限制係80公里，不過我細膽，諗住頂多七十幾好啦，點知上到去無論大車細車係咁係我右邊過，唔係掛我踩到八十幾都唔夠佢地快，我睇下鏡只係見到一架車同我一樣咁慢係我後面，諗住都好有一個守法既日本人，點知睇佢架車都係OTS租車來的=_=

因為揸快左十點左右就到左目的地。教練當然未到所以我地買杯茶飲睇下風景先。罐茶幾好飲，所以後來再encore。

沖繩自駕遊 - Day 1

行程:
那霸國際機場 >
機場1F TISCO租電話 >
機場OTS取車 >
那霸新都心Omoromachi 東橫INN >
Naha Main Place >
通堂拉麵

第一天一早就到香港機場坐香港快運直達沖繩國際機場。香港快運D機有驚喜wor！估唔到係椅背到有電影睇，仲可以睇到Hangover 2。食個不過不失既飛機餐頂下肚先。

去沖繩之前已經找了一位懂英語的浮潛教練帶我們到藍洞，教練很貼心的告訴我們可以在沖繩機場借用iphone(真係借，唔使錢的！)，所以一落機我們便衝去旅遊局的櫃檯，搶借了一部iphone，沒多久我們後面開始有其他人排隊了。而且好像每日是有限額的，所以最好一落機便去借。想不到後來這部iphone真的救了我們呢。除了iphone，一定要記得拿地圖同旅遊小册子！因為內裏除左有各大景點的map code(GPS用)外，仲有好多食肆優惠。

(2012更新︰借用iphone服務已經係今年春停止，相當可惜…)

由於一早就在OTS的網站上訂了今次行程的車，所以我們可以坐OTS安排的巴士由機場直逹OTS機場租車站。車上很多都是來租車的港人，也有很多小孩子，看來沖繩是一個合家歡的好地方。

由於預約的關係，我們很快就辦完租車手續，但別急，OTS機場租車站內可以用優惠價買美麗海水族館和其他景點的門票，我們選擇了美麗海水族館、琉球村(敗筆...)同埋熱帶果園。

好啦！到了緊張時刻！將會陪我們六天的車會是什麼顏色呢？

都幾靚仔呀。不過，點解個GPS係日文既?!?!我想換架有英文GPS既佢又話冇哂，工作人員示範左兩次我都唔係好明，算啦，頂硬上！

題外話，暫時我遇到的人英文水平都不差，可能因為這裡是旅客區而且又有美軍駐守有關。

Okinawa 沖繩自駕遊 - 準備

唔知點解九月突然決定去沖繩慶祝生日，可能因為好多年冇去日本，又唔想去東京京阪神等等大路地方，又想滿足太座想去日本的心願; 而我覺得更大可能，是因為永X日播夜播HotCha叫人去沖繩嗰首歌！再加上小男孤寒的性格，諗住去沖繩這些鄉下地方，可以使少D...

這次真的用了很多時間準備，看了很多香港和台灣的旅遊blog，一般性的資訊可以在大路旅遊書中找到，沒有太大的分別，所以都係揀一本輕少少既去，唔使咁重。好彩的是，上次為遊蘇梅而申請的國際車牌還有效！因為沖繩地方說小也不小，而且景點也很分散，公共交通更加不發達，所以租車是一個很好既遊沖繩方法。再加上日本的GPS實在太發達，油價也比香港低，唔揸車真係對唔住自己(其實原因係自己好想揸車，但係香港揸又唔夠膽...)。

題外話，台灣人的blog實在比香港人的好很多，不僅在資訊上，行程上以及趣味性上也出色很多。香港的很多都是相呀相呀相呀，好似開個人攝影展咁，再加上幾句例如"好好味"，"好得意"，"好靚靚呀"，睇完好似仲差過睇官網。可能同文字運用技巧不太純熟有關吧。

話說回來，這次行程編排上很豐富，盡可能在六日內由南玩到北，由西玩到東，上山(揸車上唔使行)下水(浮潛Yeah!!)，盡吃大小路美食！再加上為此旅行買了一部新相機，一於影影影！

主要景點:
美麗海水族館
萬座毛
古宇利大橋
牧志第一市場
國際通
玉泉洞
藍洞
海中展望塔

食:
Argu豬
沖繩Soba
海葡萄
苦瓜(都係苦...)

冇去到首里城因為睇個樣太似中國故宮迷你版，唔係好吸引。

Sun and beach and 日本妹，我來也！




下篇︰沖繩自駕遊 - Day 1

中港台

上一次去沖繩旅遊時，到訪一間幾有名的熱狗店。Order完後，店主問我們是從那裏來的。

我: 我們是香港來的。
店主: 哦，看得出來。
我: 點解睇得出??
店主: 因為香港人是有一種Pride (暫且譯作"高傲，自負"吧)，這和其他地方的中國人不同。強國人呢，來到看到我的店會很興奮，bilibala指手劃腳(他真的在模仿，好搞笑!); 台灣人呢，也是一樣，bilibala指指指(他又在模仿了); 只有香港人，好cool的交叉雙手，口裏像在說"啊，好似係呢間野啦"。

我在想，難道我也是這樣？Pride這個字什麼看也不像是一種讚美吧？我再問他比較喜歡那一種人，可是因為他的英文能力有限，他沒有明白我的問題(還是故意的？)。我只好帶點歉意和遺憾繼續享用那美味的熱狗。

香港人真的很有Pride嗎？我想想，是的，骨子裏我們覺有一點優越感，我們受中西文化影響，自認思想上比較先進; 我們擁有專業認真的工作態度; 我們常常追求效率、成果。但是，對不起，笑容不能增加效率，熱情在工作死線下更加是一種奢侈。所以我們的面口很多時是: 西口西臉。

剛剛又遊完台中回來，感受更深。很多台灣店員都面帶笑容，他們的貼心服務令你感到很窩心。
"你從那裏來的？香港嗎？多久來一次台灣？三年才一次？那今天真是我的榮幸啊！"
"你手上的垃圾可以給我，我幫你扔掉吧！"
"你剛才叫的那一杯飲品是少甜的，會不會太酸吧？不如我幫你加多點糖吧？"
"你很喜歡香菜？那我給你加多一點吧！是免費的！"
"你們很捧啊！可以自己去了那麼多地方！我上年11月也到了香港玩，那裏很方便！"

我可以係天仁茗茶店內同太座和售貨員一同分享如何嘆不同的茶，再如同朋友般天南地北的吹了大半個鐘水，而同場仲有其他客人，埋單只係買左百幾蚊野都係笑笑口冇黑面，黑心的我即時認為佢地係冇commission所以先咁好人。店員可以係一中豪大雞排檔仲未開檔時問我地想要乜，然後專登為我地炸一塊雞排(一般是一次過炸好很多塊的)。

強國又如何？我不想stereotyping但這幾年的內地旅行令我覺得很多內地樸素友善的文化已經變成追求絶對回報，不論鄉村城市大家一律向錢看，務求在最短時間內得到最大的回報，服務水平參差更多是嚇人。這可能是要求硬件而忘記了軟件的問題，更可能是大部人價值觀的問題。好人一定有但盲毛惡霸機械化對答更多(Shit 我的 pride又來了）。

希望我們的pride，將來可以變成proud和humble吧。