2012-04-02

沖繩自駕遊 - Day 6

本篇行程︰
Antoshimo麵包工房 >
牧志第一市場 >
壼屋通 >
沖繩國際機場


今朝一早早餐都唔食,要留肚食Antoshimo麵包工房好出名既麵包。尋幽探秘搵好野食永遠係最好既旅程之一。


用iphone GPS搵路好方便。沿途隨影。


求其一間食肆都好想入去試下。


十點十五分已經到達Antoshimo麵包工房。仲未開門,先到附近行下。




十點半終於開門,我地係第一組客人,後面已經有其他人在排隊。全店只有五種包可以選擇。好有自信,我鐘意。

我地只係買左兩個包,但後面既客人起碼買五個以上。真係咁好食?

望落好似一個迷你炸麵包。會唔會"封面與內容不符"?



A包。脆皮炸麵包食落好似香港既"牛脷酥",但絕對脆而不膩。內裏有用紅豆做的餡,很有紅豆香味但又不太甜膩,再加上一小塊日本年糕。脆皮彈牙熱騰騰,你想點!?係唔係想我以後食唔落美X港式求其麵包?



C包。一咬開香濃咖哩味撲鼻而來,仲有幾塊豬腩肉,絕無欺場,加上外面既脆皮甜包,十級刺激。咁你叫我以後點食美X既金牌XX包呀!?

忍唔住要再補買一個O包,不過真係食唔落,留待上機才食。老老實實,有冇朋友有興趣引入香港?

我地返回國際通,經市場本通直達牧志第一市場。


不過我地先去壼屋通走走,幫助消化。壼屋通係一條陶瓷品商店街,四周也佈滿不同款式既瓷器。我地也趁熱鬧買左一隻廉價手工瓷杯。


之後到了牧志第一市場食海鮮。行街市真係旅遊一大重點,你可以近距離認識一個地方市井小市民既日常生活,飲食習慣,完全無掩飾無添加。

沖繩特産豬頭,無論係本地客或外國人都咁喜歡同佢影相。


講明係沖繩産椰子蟹,好貴,如果唔好食點算?


發燒了的雞泡魚。唔知點解沖繩好多雞泡魚食。


夜光貝有分大小。大既要三百多港紙,絕對唔便宜。買不起椰子蟹,就試下這個吧。


好多種魚可以選擇,不過總是認為顏色鮮艷既魚如果生食的話可能會中毒。



細細隻冰鎮龍蝦仔。不過要食就緊係食新鮮啦。


搵呀搵呀終於搵到一個背後有個"燕"字既服務員,佢地係一間台灣人開既熟食店既店員,大部分都懂國語。由佢帶我地去到一間海鮮檔揀海鮮。

嘩淨係龍蝦都有咁多選擇。老闆娘話下方紅色個種做刺身一流,好,就試下。一隻二百幾港紙。再加一隻小夜光貝同一隻十寸長大蝦。老闆娘再推介幾種魚做刺身,可惜我唔係咁喜歡食魚刺身,太座一個人又食唔曬整條魚,所以最後都係放棄。


認住呢個型男,你一定可以找到這一間二樓熟食店。其實,個頭髮係唔係用萬能膠貼上去?


第一次食龍蝦刺身,好爽口好鮮甜,只係有少少筋,老闆娘冇介紹錯。夜光貝近開口既肉比較韌,而近殼那一邊既肉就軟滑彈牙。可以的話盡可能唔好選擇炒夜光貝肉,因為可能會韌到咬唔開…。最後我地連個殼都拿了回家。

圖中其他魚生全部免費(太座話海膽有少少苦,免費既就唔可以要求咁多啦)。


隻鹽燒蝦有我隻手咁大,有圖為証。不過咁大隻蝦用蒜蓉蒸可能會更好食。


個龍蝦頭就用來煲味噌湯,好好飲,每人有兩大碗。


飽到不行了。但回程途中見到有煨蕃薯,又忍唔住買左兩件。上機時可能會不停放屁。


去到單軌電車終站 - 機場站。彩繪玻璃窗送我地一程。


到了機場後,我地搵來搵去都搵唔到我地班飛機既登機櫃位。同埋個機場有三層又裝修得好靚,有一層購物中心又有便利店,仲有好多日本人等機,同我地抵步時的很不同。原來我地去錯了本地線機場。用五分鐘走到國際機場,嘩實在太大落差啦,望落真係好似蘇梅機場,而且只有一間小得可憐既商店仔…。這是歧視外國人嗎?


機場內也有水族箱,送別沖繩既旅客。

多謝支持!


上篇︰沖繩自駕遊 - Day 5 (二)

11 則留言:

  1. 小弟黎緊都會去沖繩自由行,於網上搜集資料期間,無意間搵到閣下網站。一次過睇哂咁多篇沖繩遊記,相當詳細,好有幫助。忍唔住要留個言,支持一下,多謝哂~!

    回覆刪除
  2. 多謝支持,沖繩真係一個好地方,希望你玩得開心D!

    回覆刪除
  3. 點解冇去石垣島ge

    回覆刪除
    回覆
    1. 點解妳咁戇居問點解

      刪除
  4. Thanks for sharing!!!

    回覆刪除
  5. nice blog..:)

    回覆刪除
  6. good~~~ THX

    回覆刪除
  7. very good , thank you for sharing !

    回覆刪除
  8. 寫得好好, 多謝分享!

    回覆刪除